Shtëpia më e madhe e futbollit në Evropë, UEFA ka marrë vendim të pezullojë hetimet kundër klubeve themeluese të Superligës Evropiane.
Real Madridi, Barcelona dhe Juventusi janë tri klubet e vetme që nuk kanë hequr akoma zyrtarisht dorë nga Superliga Evropiane e cili u shpërbë brenda 48 orëve nga 9 klubet e tjera themeluese.
Këto tri klube do të përballeshin me pasoja potencialisht të rënda nga UEFA e cila e kritikoi ashpër ligën e re e cila kishte synim të fillonte me garat në muajin gusht.
Sidoqoftë, një deklaratë e cila u lëshua sot ndryshoi gjërat për të mirë për tri klubet në fjalë.
Gjykata e Madridit vendosi që ta dërgojë çështjen e Superligës në Gjykatën Evropiane të Drejtësisë.
UEFA pas këtij lajmi, ka bërë të ditur që do të pezullojë hetimin ndaj klubeve deri një vendim të Gjykatës.