Manchester City tregoi fytyrën e kampionit në fundjavën e parë të sezonit 2019/20 të Premier Ligës.

Kampionët mbrojtës mposhtën West Ham United 5-0 në atë që ishte një fitore shumë e rehatshme në Stadiumin Olimpik.

Gabriel Jesus hapi rezultatin në 25 minuta para se Raheem Sterling të shënojë një hat-trick të pjesës së dytë – Sergio Aguero po ashtu shënoi nga pika e penalltisë.

Ajo çfarë ia vlen tjetër të përmendet është shpejtësia e mbrojtësit të djathtë, Kyle Walke kur asistoi për Gabriel Jesus.

Shpejtësia e tij i bëri komentuesit e BT Sport të çmendeshin dhe në gjysmë të kohës, ekspertët në studio analizuan ritmin e anglezit.

Walker arriti një shpejtësi të lartë prej 22mph, gjë që sinqerisht, është qesharake. Kontrolloni klipin më poshtë.

Shpejtësi e pabesueshme nga Walker. Joe Cole mund të ketë pasur reagimin më të mirë ndaj këtij rasti, duke thënë: “Ai në fakt ka thyer kufirin e shpejtësisë në zonat e banuara!”

Timothy Fosu-Mensah i Fulham ishte lojtari më i shpejtë në sezonin 2018/19, duke arritur shpejtësinë prej 35.32 km / orë.

Kjo konvertohet në 21.94 mph – do të thotë se, Walker tashmë ka vrapuar më shpejt sesa kushdo tjetër sezonin e kaluar.