Gazeta katalanase El Nacional raporton se ish-trajneri i Barcelonës, Xavi, është në bisedime të avancuara me Milanin për të zëvendësuar Paulo Fonseca.
Ish-mesfushori dhe trajneri i Barcelonës, Xavi, thuhet se është afër një marrëveshjeje me Milanin për të marrë drejtimin e ekipit “në të ardhmen e afërt.”
Ish-lojtari i kombëtares së Spanjës u largua nga Barcelona verën e kaluar dhe aktualisht është pa klub, transmeton Express.
Sipas raportit, drejtuesit e Milanit synojnë të ndryshojnë filozofinë e ekipit dhe e kanë identifikuar Xavin si një zëvendësues ideal për Fonseca.
Megjithatë, burime italiane si TMW dhe Milannews theksojnë se këto thashetheme janë “të pakonfirmuara” dhe mbetet e paqartë nëse Milani kërkon një zëvendësues të menjëhershëm për Fonseca apo një trajner të ri për sezonin 2024-25.
Sigurisht, drejtuesit e klubit presin rezultate më të mira në muajt e ardhshëm, pasi Milani aktualisht ndodhet në vendin e 8-të në tabelën e Serie A, me një ndeshje më pak dhe 14 pikë larg lideres, Atalantas.
Fonseca u emërua nga Milani për të zëvendësuar Stefano Piolin verën e kaluar, duke nënshkruar një kontratë dyvjeçare me mundësi për një vit shtesë.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.