Granit Xhakës po i shpërblehen vazhdimisht paraqitjet që i bëri në vitin 2024.

Ylli kosovar muaj më parë u përfshi në listën e gjerë të kandidatëve për Topin e Artë.

Ndërsa tash, përfaqësuesi zviceran e mori një tjetër mirënjohje.

Futbollisti i Bayer Leverkusenit është përfshirë në formacionin e vitit në Bundesligë.

Ish-futbollisti i Baselit dhe i Arsenalit e dominoi futbollin gjerman me “Farmaceutikët” duke u shpallur kampion i Gjermanisë, duke e fituar Kupën dhe Superkupën e Gjermanisë, ndërsa shkoi deri në finale të Ligës së Evropës.

E kjo bëri që veterani i mesfushës të përfshihet në ekipin ideal të vitit në Bundesligë, të publikuar nga “Sofascoere” falë kontributit që e dha për ekipin e Xabi Alonsos.

Formacioni i vitit 2024 në Bundesliga: Ronnoë; Kimmich, Orban, Schlotterbeck, Grimaldo; Amiri, Xhaka, Wirtz, Musiala; Marmoush, Kane.