Xhaka ishte protagonist i një prej mbrëmjeve më të famshme në histori të klubit të tij Arsenal për shkak të ndodhive brenda dhe jashtë fushës.

Ylli kosovar lëshoi fushën në ndeshjen e mbrëmshme ndaj Crystal Palacit në mes sharjeve, vërshëllimave e abuzimeve që ia bën tifozët e klubit atij, shkruan Reporteri.net

Kapiteni i Arsenalit tash e një kohë nuk po gjen paqe me tifozët e klubit për shkak të performancave të dobëta që ka zhvilluar së fundmi, ndërsa mbrëmë ishte qershia mbi tortë.

Arsenal ishte duke avansuar 2-0, por Palace u kthye në lojë shpejtë duke barazuar në 2-2, e trajneri i skuadrës në kërkim të fitores, vendosi ta zëvendësonte mesfushorin kosovar.

Gjatë largimit nga fusha, Xhaka shau tifozët e Arsenalit pasi nuk po mund t’i duronte vërshëllimat në drejtim të tij.

I prekur nga kjo situatë, kolegu i Xhakës, Lucas Torreira ka shpërthyer në lot për shkak të dhembshurisë që ndjente ndaj kapitenit të Arsenalit.

Fotografi zyrtar i klubit, Stuart MacFarlane ka shpërndarë në rrjetet sociale fotografitë ku Lucas Torreira nuk i shpëton lotëve.

Didn’t want to post these pictures but felt I had to. This is Lucas Torreira’s emotional reaction to the abuse Granit Xhaka received after his substitution, in tears and inconsolable. Absolute love and respect for his captain. pic.twitter.com/ijKOvwkYx2

— Stuart MacFarlane (@Stuart_PhotoAFC) October 28, 2019

Në anën tjetër, Unai Emery ka thënë se me shumë gjasë, Xhaka nuk do të jetë më kapiten i Arsenalit./Reporteri.net/