Achraf Hakimi është infektuar me Koronavirus

Është vetë klubi italian që ka njoftuar në faqen e tyre zyrtare për infektimin e Hakimit, i cili iu bashkua Nerazzurëve në afatin e fundit kalimtar, shkruan Reporteri.net

“FC Internazionale Milano njofton se Achraf Hakimi rezultoi pozitiv për Covid-19 pas testeve të fundit të Uefa (parashikuar nga protokolli i ndeshjes) para ndeshjes me Borussia Monchengladbach. Anësori i Nerazzurrëve është asimptomatik dhe tani do të ndjekë procedurat e përcaktuara sipas protokollit shëndetësor,” ka njoftuar klubi i Interit.

Tani ai pritet të qëndrojë në karantinë për të paktën 2 javë duke humbur disa ndeshje të rëndësishme me Interin. /Reporteri.net/