Skocia e ka marrë një goditje të rëndë para ndeshjes jetësore me Kroacinë në Euro 2020, pasi mesfushori i saj Billy Gilmour do të mungojë si pasojë e infektimit me COVID-19 të martën.

Ylli i Chelseat bëri paraqitje të mrekullueshme në barazimin e Skocisë pa gola me Anglinë të premten në Wembley, i cili ia siguroi pikën e parë në Euro 2020 skuadrës së Steve Clarke.

Ky barazim nënkupton se Skocia duhet të fitojë patjetër kundër Kroacisë të martën mbrëma, për të kaluar në rrethin e 16 më të mirëve, por këtë do t’i duhet ta bëjë pa llogaritur në shërbimet Gimlour, i cili u infektua me virus.

We can confirm that Billy Gilmour has tested positive for COVID-19.

Having liaised with Public Health England, Billy will now self-isolate for 10 days and therefore miss tomorrow’s UEFA EURO 2020 Group D match against Croatia at Hampden.https://t.co/lRNWvckqCK

— Scotland National Team (@ScotlandNT) June 21, 2021

Në një komunikatë, Federata e Futbollit e Skocisë konfirmoi se adoleshenti do të mungojë kundër Kroacisë sepse është i detyruar të vetizolohet për 10 ditë.

“Konfirmojmë se Billy Gilmour ka dalë pozitiv për COVID-19”, thuhet në një komunikatë të federatës skoceze.