Mauro Icardi nuk dëshiron të qendrojë në Paris.

Sulmuesi argjentinas është huazuar nga zikaltërit te PSG-ja, me këta të fundit që kanë të drejtën e blerjes për 70 milionë euro.

Icardi e nisi mjaft mirë sezonin, por në sfidat e fundit ka humbur vendin e titullarit. Një gjë e tillë nuk i ka pëlqyer aspak e për këtë arsye ka kërkuar largimin duke vënë në dijeni drejtorin Leonardo.

Mediat italiane zbulojnë dy skenarët e mundshëm për të ardhmen e tij. E para është të blihet nga PSG-ja e më pas të shkëmbehet me një prej lojtarëve të Juventusit, ose të blihet nga bardhezinjtë duke paguar shifrën e kërkuar.