Juventusi vijon përgatitjet individuale në qendrën stërvitore në Torino.

Që nga dita e hënë do rifillillojnë stërvitjet në grup duke parë vendimin e djeshmë nga Qeveria italiane që dha dritën jeshile për klubet e futbollit.

Pas rikthimit në Itali, ditën e martë në fushë me skuadrën do të rikthehet edhe Cristiano Ronaldo.

Portugezi mbërriti në datën 4 maj në Torino dhe po qendron në karantinë të detyruar për 14 ditë e të martën përfundojnë ditët e tij të izolimit.

Pas tij do të jetë radha e De Ligt e Szczensny e më pas Khederi, Matuidi, Alex Sandro, Douglas Costa, Danilo dhe të fundit Higuain dhe Rabiot që janë kthyer me vonesë nga vendet e tyre.