Zinedine Zidane rikthehet në Real Madrid, këtë e ka bërë të ditur bordi i drejtorëve të këtij klubi, transmeton Reporteti.net

Sipas komunikatës bordi ka rënë dakord për emërimin e Zinedine Zidane si trajner i ri i Real Madridit me inkorporimin e menjëhershëm për pjesën e mbetur të sezonit.

Real Madrid e vlerëson punën e bërë nga Santiago Solari dhe angazhimin e tij thuhet ndër të tjera.
“Real Madrid e vlerëson punën e bërë nga Santiago Solari, angazhimin dhe besnikërinë që ai ka treguar gjithmonë në këtë shtëpi”, thuhet në komunikatë.

Presidenti i Realit të Madridit do të shfaqet sot së bashku me Zinedine Zidane para mediave në orën 20:00 në dhomën e shtypit të stadiumit Santiago Bernabéu.