Hakim Ziyech thotë se transferimi i tij te Chelsea është një ëndërr e bërë realitet sepse ai gjithmonë ka dashur të luajë në Premier Ligë.

Marokeni filloi të shtunën stërvitjet me klubin e tij të ri, derisa transferimi i tij te londinezët ishte konfirmuar në shkurt për 33.3 milionë funte.

“Kur jeni një djalë i ri, gjithmonë ëndërroni të luani për një klub të madh, në Premierligë sigurisht”, ka thënë Ziyech.

Ai thotë se Lampard ishte një faktor i rëndësishëm për zgjedhjen e tij.

“Ishte i rëndësishëm për vendimin tim. Më pëlqen stili i lojës që ai është duke e përdorur”, u shpreh marokeni.