Futbolli pothuajse në të gjithë botën është ndalur për shkak të pandemisë së covid-19. Shumë skuadra e Federata janë në vështirësi të madhe financiare nga kjo ndalesë.

Lojtarë e Kombëtares së Zvicrës së bashku me trajnerin Petkoviç kanë vendosu të heqin dorë nga një pjesë e kompesimit financiar që duhet të përfitonin nga Federata. Xherdan Shaqiri e Granit Xhaka me shok kanë hequr dorë nga një milionë franga dhe i janë falr federatës në këto momente të vështira ekonomike.

“Në raste si këto ne duam dhe duhet të qëndrojmë së bashku dhe të ndihmojmë njëri-tjetrin. Lojërat e vështira fitohen së bashku,” tha trajneri Petkoviç.

Stephan Lichtsteiner gjithashtu komentoi: “Me këtë gjest ne kemi dashur të dërgojmë një sinjal solidariteti dhe të demonstrojmë lidhjen tonë në shoqatën e futbollit zviceran”.