Primeira Liga do ta rifillojë sezonin më 4 qershor, ka njoftuar liga elitare portugeze.

Liga elitare e Portugalisë u pezullua më 12 mars për shkak të pandemisë koronavirus, transmeton Gazeta Express.

Kryeministri i Portugalisë, Antonio Costa, e dha dritën e gjelbër muajin e kaluar që kampionati të rifillojë pa shikues në stadiume nga 30 maji, por liga ka vendosur të kthehet vetëm pak ditë më vonë.

Në një komunikatë për media, Liga portugeze njoftoi se java e 25-të e kampionatit 2019/20 do të luhet më 4 qershor.

Porto është lider me një pikë më shume se Benfica, kur kanë mbetur edhe 10 ndeshje për t’u zhvilluar.