Maurizio Sarri është larguar sot nga skuadra londineze Chelsea, për t’iu bashkuar skuadrës nga Torino, Juventus.

Klubet kanë arritur marrëveshje për ndërprerjen e kontratës së Sarrit me Chelsean, kontratë kjo që kishte edhe dy vite, shkruan Reporteri.net

Italiani do t’iu bashkohet gjigantëve të Serie A, Juventus, pasi klubi torinez mbeti pa trajner, kur panë që Allegri u largua në përfundim të sezonit.

Ishte vet dëshira e italianit që të largohej nga Chelsea, kështu ka konfirmuar edhe drejtoresha e Chelseas, Marina Granovskaia, e cila ka pohuar se pas përfundimit të finales së Europaligës, Sarri kishte komunikuar dëshirën për rikthim në Itali.

Sarri u transferua në Londër vitin e kaluar. Ai arriti që brenda një sezoni të prekë dy finale, një në Kupën e Ligës të cilën e humbi nga Manchester City, ndërsa një tjetër në Europaligë të cilët e fitoi ndaj Arsenalit.

Italiani ka nënshkruar kontratë 3-vjeçare me Juventusin./Reporteri.net/