Emiratet e Bashkuara Arabe ndaluan përdorimin e Skype në atë vend, bëri të ditur sot kompania në një deklaratë.

“Ne kemi vërejtur që faqja jonë e internetit dhe shërbimet janë bllokuar nga ofruesit e shërbimeve të internetit në Emiratet e Bashkuara Arabe, që do të thotë se ju nuk do të jeni në gjendje të përdorni Skype në atë vend”, thuhet në deklaratën e kompanisë, transmeton Reporteri.net.

Kolumnisti Sultan Al Qassemi i Këshillit të Studimeve të Lindjes së Mesme vlerësoi se ishte frustuese që Skype u ndalua në Emiratet e Bashkuara Arabe. “Si të bëjmë intervista dhe takime? Kjo është në kundërshtim me qëllimet e Global Vision”, tha Kasemi.

Duke iu përgjigjur këshillave qytetarëve të Emirateve të Bashkuara Arabe për të përdorur platforma të tjera të komunikimit që kërkojnë një rrjet privat virtual, Kasemi u kërkoi atyre që të veprojnë në përputhje me ligjin, duke  mos pasur frikë nga reagimet e qeverisë. 

“Nuk inkurajoj asgjë duke anashkaluar ligjin. Dua që autoritetet ta bëjnë këtë ligjërisht”,   shkruan Kasemi, i cili jeton në Shtetet e Bashkuara të Amerikës./Reporteri.net