Deputetja e Lidhjes Demokratike të Kosovës, Doarsa Kica-Xhelili ka thënë se pushteti nuk e ka problemin tek koordinimi me Listën Serbe, por tek zbulimi që po koordinohen, shkruan Gazeta Online Reporteri.net.

Në Facebook, Kica-Xhelili ka thënë se qytetarët e Kosovës s’meritojnë kaq shumë manipulim e gënjeshtra.

Sipas saj, Kosova e meriton një lider si Lumir Abdixhiku.

Reagimi i plotë:

A ju kujtohen sulmet ndaj Gjykatës Kushtetuese?

Eh – me Listën Serbe e paskan koordinuar kush zgjedhet gjyqtar e kush jo.

Këta nuk e kanë problemin e koordinimit me Listen Serbe, e kanë me ZBULIMIN se po koordinohen. Koordinohen me ta për veteran, për pagë minimale, për gjyqtarë të Kushtetueses e kushedi çka tjetër që nuk është inçizuar.

Kosova e njerëzit e saj të mirë nuk meritojnë kaq shumë manipulim e gënjeshtra. Për besë nuk e kemi luksin t’i vrajmë ëndrrat tona kaq brutalisht.

Kosova e meriton një lider që ka tjetër vizion. Një që njihet që e mban fjalën, pavarësisht vështirësive. Një lider si Lumir Abdixhiku që nuk e fokuson krejt punën në kalkulime manovrash e brohoritjesh elektorale.

Lider që i sheh qytetarët si bashkërrugëtues, e jo analfabetë. Një që ka ide të SAKTA zhvillimore, e që shpon përtej ambicieve të varfra që i ka instaluar kjo qeveri në mendjet e secilit.