Dy granata dore janë gjetur skaj rrugës kryesore në qytetin e Suharekës.

Policia në raportin 24-orësh thotë se Njësiti policor ka arritur në vendin e ngjarjes dhe ka siguruar zonën për të parandaluar rreziqet.

“Suharekë / 13.10.2024 – 10:47. Është raportuar se dëshmitari mashkull kosovar skaj rrugës kryesore kishte vërejtur një mjet të dyshuar shpërthyes- granatë dore”.

“Njësiti policor ka bërë sigurimin e mjetit, ndërsa njësiti EOD për deminim i FSK-së kanë dal në vendin e ngjarjes dhe gjatë kontrollit kanë gjetur edhe një granatë dore dhe të njëjtit kanë bërë asgjësimin e tyre”, thuhet në raportin e policisë. /Reporteri.net/.