Ministria e Financave, Punës dhe Transfereve, ka bërë të ditur se më 21 tetor do të mbahet ankandi i 13-të për vitin 2024.

Përmes një njoftimi zyrtar në faqen e tyre, thuhet se në këtë ankand do të emetohen Obligacione me maturitet trevjeçar në shumën prej 10 milionë euro, raporton gazeta online Reporteri.net.

Tutje, thuhet se investimi në Obligacione është i sigurt, i garantuar me Ligjin për Borxhin Shtetëror dhe Garancitë Shtetërore, ku interesi i përcaktuar nga tregu, iu garantohet me kohëzgjatje prej tri vitesh dhe është tërësisht i liruar nga tatimi.

“Për detaje rreth pjesëmarrjes në ankande për blerjen e letrave me vlerë, ju lutem kontaktoni ndonjërën nga Bankat Komerciale që operojnë në Republikën e Kosovës”, thuhet në komunikatën e ministries.

/Reporteri.net/.