Lidhja Demokratike e Kosovës ka ftuar seancë të jashtëzakoshme për të enjten, për t’i adresuar “skandalet” në Korporatën Energjetike të Kosovës, raporton gazeta online Reporteri.net. 

Kjo u bë e ditur nga Shefi i Grupit Parlamentar të kësaj partie, Arben Gashi, i cili tha se për mbajtjen e kësaj seance kanë nënshkruar 43 deputetë.

“Në emër të 43 deputetëve të nënshkruar, kam thirrur seancën e jashtëzakonshme, e cila do të mbahet nesër në orën 12:00. Kjo kërkesë është bërë për të adresuar skandalet në Korporatën Energjetike të Kosovës (KEK), që kanë ngritur shqetësime të mëdha për publikun dhe institucionet”, ka shkruar Gashi në Facebook.

/Reporteri.net/.