Në seancën ku po diskutohet për Buxhetin e vitit 2025, Shefi i grupit parlamentar të AAK-së, Besnik Tahiri po fliste për fjalën hyrëse të Kurtit i cili u krenua se ky ishte buxheti i katërt që po e prezanton gjatë mandatit të tij katër vjeçar, bëri një “gafë” që bëri pozitën të qeshnin me të, shkruan Gazeta Online Reporteri.net.

Gjatë kohës sa po fliste, Tahiri i AAK-së tha se “Kryeministri po lavdohej se ky ishte buxheti i katërt në mandatin e katërt”, gjë që bëri që pozita të reagonte menjëherë.

“Sot, ndoshta seanca e fundit për këtë vit po e diskutojmë dokumentin e qeverisë të kryeministrit Albin Kurti dhe kabinetit të tij. Në fjalën e tij hyrëse filloi e po lavdohej se si ky është buxheti i tij i katërt në “MANDATIN E KATËRT”, por për vlerësimin e qytetarëve ky është buxheti i tij më i dështuar”, ishte fjala e shefit të deputetëve të AAK-së,

“Mos na i ndjell kështu Besnik se s’di a mundemi katër”, ia ktheu me të qeshur Glauku.

“A u kënaqët a? A u gëzut a. Të fundit e keni”, ishte kundërpërgjigja e Tahirit të AAK-së.

/Reporteri.net/