Liverpooli është kundërshtari më i vështirë me të cilin është përballur Pep Guardiola në karrierën e tij si trajner

Liverpooli është lider i Premier Ligës, ndërsa edicionin e kaluar pati një garë të ashpër me Manchester Cityn e Guardiolas për titull, por në fund ishte skuadra e teknikut spanjoll që triumfoi, shkruan Reporteri.net

Guardiola e vlerëson Liverpoolin si kundërshtarin më të vështirë me të cilin është përballur në karrierën e tij.

“E përsëris, Liverpooli është kundërshtari më i vështirë me të cilin jam përballur në karrierën time,” ka thënë Guardiola.

“Kundërshtari për titull që ne kemi, e kam thënë disa herë, është më i forti kundërshtar që jam përballur ndonjëherë në karrierën time. Këto nuk janë vetëm fjalë, i kam thënë edhe kur ata edicionin e kaluar ishin në krye të tabeles, edhe kur ne ishim në krye të tabelës, edhe kur kemi fituar, edhe kur kemi humbur.

“Ata kanë absolutisht gjithçka në pozicionim, kundër-sulme, ndërprerje, tranzicion, ofenzivën, defanzivën dhe mentalitetin. Anfieldi gjithashtu luan një rol të rëndësishëm.

“E di sa e vështirë ka qenë dhe e di se sa e vështirë do të jetë,” përfundoi spanjolli.

Ndryshe, Liverpooli aktualisht është në vendin e parë me 15 pikë, ndërsa City është në pozitën e dytë me 10 pikë. /Reporteri.net/