Manchester City është duke e demoluar skuadrën e Watfordit me rezultat 5-0 kur kanë kaluar vetëm 18 minuta të ndeshjes.

Skuadra e Pep Guardiolas kaloi herët në epërsi pas vetëm 50 sekondave të ndeshjes me anë të spanjollit, David Silva, shkruan Reporteri.net

Në minutën e gjashtë të ndeshjes, skuadra e Pep Guardiolës arriti ta dyfishojë epërsinë me penalltinë e Sergio Agueros.

Vetëm 6 minuta më vonë, Riyad Mahrez u përkujdes që ta thellonte edhe më tutje epërsinë.

Portugezi Bernard Silva shënoi një tjetër në minutën e 15 të ndeshjes, ndërsa vetëm 3 minuta më vonë, Nicolas Otamendi e vulosi një ‘La Manita’ për një periudhë 18-minutëshe.

Si duket Manchester City po e shfryen mllefin e humbjes befasuese nga Norwich City që e pësoi javën e kaluar./Reporteri.net/