Kandidati për deputet nga radhët e PDK-së, Edon Cana ka shkruar për tubimin që dje kjo parti e pati në Krushë të Madhe.
Cana në tubimin ku ishte prezent kandidati për kryeministër nga PDK, Bedri Hamza, ka thënë se rruga e zhvillimit të vendit, e njerëzve me integritet e të atyre që mbajnë fjalën mishërohet me një emër – Bedri Hamza.
“Më 9 shkurt rrugën e zhvillimit, rrugën e integrimit, rrugën e kompetencës, rrugën e njerëzve me integritet e të njerëzve që e mbajnë fjalën dhe kjo mishërohet me një emër, Bedri Hamza”, ka thënë Cana.
“Tubim madhështor në Krushën e Madhe të Ukshin Hotit, Krushën e grave të forta të cilat janë simbol i sakrificës dhe që janë shembull se si përmes punës së tyre vendosën te ringriten dhe të mos dorëzohen kurrë. Bashkë me qytetarët e këtij vendi të heroizmit dhe krenarisë, mirëpritëm kandidatin për kryeministër, Bedri Hamza”, ka shkruar ai sipër videos së publikuar.
