Dy të dyshuarve i është caktuar masa e paraburgimit, pasi dyshohen për “vrasje të rëndë”

Sipas njoftimit,  të pandehurit N.D. dhe E.P, më 25 janar në një rrugë në Ferizaj, pas një mosmarrëveshjeje në komunikacion, t janë futur në veturën e të dëmtuarit L.Q. dhe e kanë sulmuar atë.

Më pas përleshja ka vazhduar jashtë veturës, ku N.D. ka nxjerr një thikë dhe e ka goditur disa herë të dëmtuarin, duke i shkaktuar dëme të rënda trupore.

Të pandehurit më pas janë larguar nga vendi i ngjarjes, e i dëmtuari është dërguar në QKUK për trajtim.

“Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit e ka aprovuar si të bazuar konform dispozitave të KPPRK-së, dhe të njëjtëve iu është caktuar masa e paraburgimit në kohëzgjatje prej një (1) muaj”, thuhet në njoftimin e Gjykatës Themelore në Ferizaj./Reporteri.net/