Katër të mitur janë përleshur mes vete në Drenas. Gjatë incidentit dyshohet të jenë përdorur edhe thika, shkruan Reporteri.net.

Rastin e ka konfirmuar Policia e Kosovës, përmes raportit 24 orësh.

Policia ka bërë me dije se tre prej tyre janë arrestuar dhe dërguar në mbajtje pas tretmani që kanë marrë në QKUK, dhe se një i dyshuar tjetër është ende në QKUK, nën përkujdesje të Policisë.

“VRASJE NË TENTATIVË & PJESËMARRJE NË RRAHJE-  Gllogoc / 27.02.2025 – 13:45. Katër të dyshuar meshkuj kosovarë (të mitur) kanë pësuar lëndime trupore si pasojë e një përleshje që ka ndodhur midis tyre. Gjatë incidentit dyshohet se janë përdorur edhe mjete të mprehta . Të lënduarit janë dërguar për trajtim mjekësor në QKUK. Tre prej tyre pas trajtimit mjekësor janë intervistuar dhe me vendim të prokurorit,  janë arrestuar dhe dërguar në mbajtje  ndërsa i dyshuari tjetër mbetet në QKUK për trajtim të vazhdueshëm dhe  në përkujdesje  të policisë. Rasti në procedurë”, thuhet në raport./Reporteri.net