Valon Behrami iu bashkua Sionit në afatin e fundit kalimtar, por si duket ai nuk po gjen rehati te skuadra e re

Sioni sonte luan ndeshjen shumë të vështirë ndaj Young Boysit në kuadër të Superligës së Zvicrës, shkruan Reporteri.net

Sioni e ka përjashtuar Behramin, por megjithatë trajneri i skuadrës është munduar ta arsyetojë vendimin e klubit.

Stephan Henchoz, trajneri i skuadrës ka thënë se nuk e kanë ftuar për këtë takim pasi ai do të mund të lëndohet sepse ndeshja ndaj Young Boysit luhte në një fushë artificiale.

“Behrami nuk do të jetë pjesë e ekipit për ndeshjen e ardhshme për shkak se mund të lëndohet, pasi luajmë në fushë me bar artificial. Për këtë arsye nuk ka luajtur as në ndeshjet e tjera,” ka thënë Henchoz.

“Do të shohim se si do të shkojnë gjërat pas këtij takimi përpara se të kthehet në ekip. Përfundimisht, si ekip kemi nevojë për Valonin,”. /Reporteri.net/