Policia e Kosovës ka arrestuar një zyrtar të gjendjes civile në një fshat të Kamenicës, nën dyshimin se ia ka mundësuar regjistrimin e fëmijës një gruaje, pa prezencën e babait të fëmijës, shkruan Reporteri.net.

Ai po dyshohet për keqpërdorim të pozitës. Ai është dërguar në mbajtje, ndërsa e dyshuara është liruar në procedurë të rregullt.

Rasti ka ndodhur në janar të këtij viti.

“KEQPËRDORIM I POZITËS APO AUTORITETIT ZYRTAR- Gjilan 21.01.2025 – NN. Është arrestuar i dyshuari mashkull kosovar, zyrtar i gjendjes civile në një fshat të Kamenicës, pasi që dyshohet që ka keqpërdorur pozitën e tij, duke ia mundësuar regjistrimin e fëmijëve të dyshuarës femër kosovare, pa prezencën e prindërit tjetër (babait). Me vendim të prokurorit i dyshuari mashkull kosovar është dërguar në mbajtje, ndërsa e dyshuara është liruar në procedurë të rregullt”, thuhet në raportin 24 orësh të Policisë./Reporteri.net