Një 35-vjeçar ka mbetur i plagosur me thikë ditën e sotme pas një sherri në një lokal në Tiranë.

Policia njofton se shtetasi K.K, 30 vjeç, i cili është shpallur në kërkim, dyshohet se së bashku me një person tjetër ende të paidentifikuar kanë plagosur me mjet prerës, shtetasin M. P., 35 vjeç.

35-vjeçari është në spital nën kujdesin e mjekëve.

Ngjarja ka ndodhur në një lokal në rrugën “Zydi Herri”.

Gjithashtu, ka nisur procedimi në gjendje të lirë edhe për tre shtetas të tjerë, për moskallëzim krimi, ndërsa për të njëjtën vepër penale u shpall në kërkim një 47-vjeçar.

Policia po punon për nxjerrjen përpara përgjegjësisë penale të të gjithë shtetasve të implikuar në këtë rast./vizionplus.tv