Deputetët do të mblidhen sërish sot në një përpjekje të re për konstituimin e Kuvendit të Kosovës. Procesi ka ngecur tek zgjedhja e Kryetarit të Kuvendit. Lëvizja Vetëvendosje, si parti fituese, po insiston në zgjedhjen e Albulena Haxhit, edhe atë më votim të fshehtë. Partitë tjera po e kundërshtojnë këtë.
Në orët e vona të 9 shkurtit, pas mbajtjes së zgjedhjeve parlamentare në Kosovë, Lëvizja Vetëvendosje (LVV) doli të festonte në sheshin “Skënderbeu”, në Prishtinë.
Ndër tjerash, kreu i LVV-së, Albin Kurti, listoi se çfarë do të bënte në katër vjetët e ardhshëm.
Pak orë më vonë, edhe partitë të tjera dolën me qëndrimet e tyre. I pari ishte kreu i Aleancës për Ardhmërinë e Kosovës (AAK), Ramush Haradinaj, i cili kërkoi që opozita e deriatëhershme të bëhej bashkë për ta formuar qeverinë e re.
Por, edhe tre muaj pas, Kosova jo vetëm që nuk e ka Qeverinë e re, por s’ka as Kuvend të konstituuar.
Që nga vonesat në numërim të rezultateve e deri te mospajtimi për postin e kryeparlamentarit, ja çfarë ka ndodhur këta tre muaj.
9 shkurt – Mbahen zgjedhjet parlamentare.
9 shkurt – Lëvizja Vetëvendosje del e para.
15 mars – Komisioni Qendror i Zgjedhjeve shpall rezultatet përfundimtare të zgjedhjeve.
17 mars – Lëvizja Vetëvendosje kërkon rivotimin me postë, Partia Demokratike e Kosovës kërkon të rishqyrtohet një gjobë e dhënë gjatë fushatës, dhe koalicioni mes Partisë Demokratike të Ashkalinjve të Kosovës dhe Lëvizjes për Bashkëveprim kërkon anulimin e votave të Partisë së Ashkalinjve për Integrim.
19 mars – Paneli Zgjedhor për Ankesa dhe Parashtresa refuzon ankesat e subjekteve politike.
21 mars – Subjektet politike i drejtohen Gjykatës Supreme me të njëjtat ankesa.
24 mars – Gjykata Supreme refuzon kërkesën e Partisë Demokratike të Kosovës.
26 mars – Gjykata Supreme refuzon edhe kërkesat e tjera për rezultatin e zgjedhjeve.
26 mars – Prokuroria nis hetimet për votimin me postë.
27 mars – Komisioni Qendror i Zgjedhjeve certifikon rezultatet e zgjedhjeve.
27 mars – Lëvizja Vetëvendosje i drejtohet Gjykatës Kushtetuese kundër vendimit të Gjykatës Supreme për votat me postë.
1 prill – Presidentja e Kosovës, Vjosa Osmani, cakton 15 prillin si datë për mbajtjen e seancës konstituive të Kuvendit të Kosovës.
15 prill – Mbahet seanca e parë konstituive. Formohet komisioni i përkohshëm për verifikimin e mandateve, por raporti nuk kalon pasi që deputetë të partive që kishin qenë në opozitë s’e votuan. Ata s’pajtoheshin me mënyrën e dorëheqjes së anëtarëve të kabinetit qeveritar që ishin zgjedhur deputetë.
17 prill – Mbahet seanca e dytë konstituive. Sërish s’votohet raporti për verifikimin e mandatit të deputetëve.
19 prill – Mbahet seanca e tretë konstituive. Këtë herë votohet raporti për verifikimin e mandateve të deputetëve, dhe këta të fundit e bëjnë betimin. Albulena Haxhiu s’i merr votat e mjaftueshme për kryeparlamentare.
21 prill – Mbahet seanca e katërt konstituive. Lëvizja Vetëvendosje propozon sërish Albulena Haxhiun për kryeparlamentare, por ajo s’i merr 61 votat e nevojshme.
23 prill – Mbahet seanca e pestë konstituive. Albulena Haxhiu sërish dështon të marrë votat e nevojshme për t’u zgjedhur kryeparlamentare.
25 prill – Mbahet seanca e gjashtë konstituive. Albulena Haxhiu, përkundër kërkesave të partive të tjera, sërish propozohet për kryeparlamentare, dhe sërish dështon të marrë votat e nevojshme.
27 prill – Mbahet seanca e shtatë konstituive. Sërish, Albulena Haxhiu propozohet për kryeparlamentare nga Lëvizja Vetëvendosje, dhe sërish dështon të marrë votat e nevojshme.
29 prill – Mbahet seanca e tetë konstituive. Vetëvendosje sërish propozon Albulena Haxhiun për kryeparlamentare, por ajo sërish nuk siguron 61 votat e nevojshme.
1 maj – Kuvendi nuk konstituohet as në përpjekjen e nëntë. Këtë herë, Lëvizja Vetëvendosje propozon që votimi për kryeparlamentar të jetë i fshehtë. Ky propozim nuk pranohet nga partitë e tjera.
3 maj – Vetëvendosje përsërit kërkesën për votim të fshehtë të kryeparlamentarit. Partitë e tjera e refuzojnë dhe Kuvendi nuk konstituohet as në përpjekjen e dhjetë.
5 maj – Kuvendi nuk konstituohet as në përpjekjen e 11-të. Sërish dështimi vjen pasi Vetëvendosja kërkon votim të fshehtë dhe partitë e tjera e refuzojnë atë.
7 maj – Edhe tentimi i 12-të përfundon njëjtë. Vetëvendosja propozon votim të fshehtë, partitë e tjera e refuzojnë, konstituimi i Kuvendit sërish dështon.
9 maj – E premte, seanca e 13-të konstituive e Kuvendit të Kosovës./REL
Kuvendi i Kosovës ka dalë me njoftim lidhur me punimet e seancës së sotme, e 13’ta me radhë për konstituim të Kuvendit.
Aty theksohet se seanca u ndërpre meqë nuk pati vota për Komisionin, për ta bërë votimin e fshehtë për zgjedhjen e Kryetarit të Kuvendit. Vazhdimi i saj do të bëhet të dielën, në orën 10:00, shkruan Reporteri.net.
“Kuvendi i Republikës së Kosovës u mblodh sot në vazhdimin e radhës të seancës konstituive. Nën drejtimin e deputetit Avni Dehari, seanca serish nuk pati kuorum në procedurën e votimit për përbërjen e komisionit zgjedhor për zgjedhjen e kryetarit të Kuvendit me votim të fshehtë. Kryesuesi Dehari ftoi subjektet politike parlamentare PDK, LDK, Lista serbe dhe AAK-Nisma që të propozojnë nga një anëtar në komision. Në mungesë të propozimeve, kryesuesi Dehari hodhi në votim përbërjen e komisionit, me anëtarët e propozuar në vazhdimet e kaluara të seancës. Pasi konstatoi se për kanë votuar 56 deputetë, një kundër, ndërsa nuk kishte asnjë abstenim, kryesuesi Dehari njoftoi për ndërprerjen e seancës dhe paralajmëroi vazhdimin e saj të dielën, më 11 maj, në orën 10:00”, thuhet në njoftim.
Për të dalë nga ngërçi i krijuar, Kryetari i LDK’së, Lumir Abdixhiku, ka dalë me propozim për krijimin e një qeverie të tranzicionit, deri në zgjedhjen e Presidentit.
Pro një takimi janë shprehur PDK dhe AAK, por që të dy këto parti kanë thënë se preferojnë më shumë një “qeveri të opozitës”.
Pas mbledhjes së Kryesisë të mërkurën, PDK ka lëshuar komunikatë ku ka thënë se nuk do të shmangen nga asnjë takim që mund të çojë në zhbllokim të situatës, por preferenca e tyre është një qeveri e formuar nga partitë që derivonë ishin në opozitë.
Por, takimi thotë se duhet të thirret nga Presidentja,, duke shtuar se një tryezë gjithëpërfshirëse, mund të jetë hapi i duhur për gjetjen e rrugëdaljes nga kriza institucionale.
“PDK angazhohet dhe është e bindur se zgjidhja më e mirë për vendin është formimi i një qeverie të re, e përbërë nga partitë që në mandatin e kaluar kanë qenë në opozitë. Një qeveri që do të ndalte degradimin institucional, do ta nxirrte Kosovën nga izolimi ndërkombëtar dhe do të zbatonte politika zhvillimore për të gjithë qytetarët, pa dallim. Me një listë të dakorduar të prioriteteve shtetërore, të cilat do ta rikthenin Kosovën në rrugën e duhur të zhvillimit dhe të integrimit euroatlantik”, thuhet në komunikatë.
Kreu i AAK’së, Ramush Haradinaj, e ka pranuar ftesën e Abdixhikut për takim ditën kur ai e bëri publik propozimin. Edhe ai, tha se angazhohet për “qeveri të opozitës”.
Mirëpo, ka deklaruar se ai nuk do të pranonte të marrte pjesë në një takim konsultativ për qeveri tranzicionale nëse në tavolinë është edhe Lëvizja Vetëvendosje.
“Ftesa për konsultë nuk ka gjë të keqe. Nuk ndryshon qëndrimi sa i përket qeverisë së opozitës, por po ashtu nuk na pengon ftesa e LDK-së për konsulta”, deklaroi Haradinaj.
Ai tha se do të pranonte takime bilaterale me LDK-në apo trilaterale me LDK-në dhe PDK-në.
Nga VV propozimi është cilësuar “jo serioz”.
Deputeti i VV’së, Hekuran Murati, tha se LDK-ja me propozimin e saj për qeveri të tranzicionit po sillet si në kohën e UNMIK-ut.
Sipas tij, opozita ka mbetur pa një zgjidhje tjetër dhe propozimin për një qeveri transicionale e ka nxjerr si kartën e fundit.
“Refuzojnë ftesat për bashkëpunim, refuzojnë zgjidhjen me votim të fshehtë, e akuzojnë Vetëvendosjen për bllokim. Kjo nuk mund të quhet asgjë tjetër, pos hipokrizi. Deri tani as nuk është vënë në testim votimi i fshehtë. Tani kur ka filluar që pagat të rrjedhin nuk po u bëhet dert. Përgjigjja u dha një ditë me herët nga një zëdhënës, një ditë me pas u zyrtarizua nga kryesia, vendimmarrja në këtë rast është zhvendosur nga kryesia e organet në një vend tjetër. Përgjigjja e tillë neve na befasoi. Tani e kanë nxjerr edhe kartën e fundit si në kohën e UNMIK-ut. Kjo nuk është serioze”, tha Murati.
Edhe përfaqësues të komuniteve jo-shumicë, që janë pjesë e kabinetit qeveritar në detyrë, kanë dalë kundër këtij propozimi, duke pretenduar se janë lënë jashtë, pavarësisht se përmenden në letër si pjesë e kësaj qeverie.
Elbert Krasniqi, nga Iniciativa e Re Demokratike e Kosovës (IRDK), e kritikoi ftesën e kryetarit te Lidhjes Demokratike të Kosovës (LDK), Lumir Abdixhiku, që partitë politike shqiptare të bëhen bashkë për një qeveri tranzicionale.
“Kjo qasje përjashtuese nuk është në frymën e Republikës së Kosovës, në frymën multietnike të Republikës së Kosovës”, tha Krasniqi, përkrah Emilija Rexhepit, nga Partia e Re Demokratike, dhe Nenad Rashiqit, nga Partia për Liri, Drejtësi dhe Mbijetesë./Reporteri.net
Kryetari i LDK’së, Lumir Abdixhiku, ka mbrojtur propozimin e tij për krijimin e një qeverie të tranzicionit, për dalje nga ngërçi i krijuar.
Abdixhiku ka thënë se ideja e LDK’së mund të mos jetë më e mira, por se aktualisht është e vetmja në tavolinë dhe gjithpërfshirëse, shkruan Reporteri.net.
“Është mirë që askush të mos flas për votat e LDK-së. Askush në Kosovë nuk e ka shumicën. Kemi dalur me propozim të hapur, ftesë të hapur, të ulemi e të kapërcejmë këtë gjendje. Nëse janë të gatshëm këtu jemi, nëse nuk janë të gatshëm vijmë këtu çdo 48 orë. Natyrisht se po, kemi bërë thirrje për gjithëpërfshirje. Bënë të marrë iniciativë edhe dikush tjetër. Çka po bëjmë pas gjendjes së tanishme. Ideja jonë mund të mos jetë më e mira, por është e vetmja në tavolinë, gjithëpërfshirëse”, tha Abdixhiku.
Abdixhiku tha se askush nuk e ka shumicën në Kosovë dhe se meqë asnjëra parti nuk e ka shumicën është mirë të ulen bashkë e të gjejnë një zgjidhje. Ai konfirmoi se do të marrin pjesë kur të ftohet takimi gjithëpërfshirës nga presidentja Vjosa Osmani, duke theksuar se ftesa është vazhdimësi e idesë së LDK-së.
“LDK-ja e ka thënë një iniciativë, jo për protagonizëm, nëse duan ta bëjnë një organizim të tillë le ta bëjnë, përfshirë edhe presidenten. Thelbësore është për çka po takohemi, për të dhënë zgjidhje, apo për ta vazhduar këtë cirk. Partitë qëndrojnë në pozicione që na sjellin çdo 48 orë, por ndonëse dua t’i kuptoj pozicionet e tyre janë dëshirore. Askush nuk e ka shumicën në Kosovë, e meqenëse askush nuk e ka, le të ulemi. Ne kemi bërë një propozim, nëse partitë nuk e dojnë, le të vazhdojnë të mblidhen e të tallen me qytetarët e Kosovës”, ka deklaruar Abdixhiku.
Pro një takimi janë shprehur PDK dhe AAK, por që të dy këto parti kanë thënë se preferojnë më shumë një “qeveri të opozitës”.
Pas mbledhjes së Kryesisë të mërkurën, PDK ka lëshuar komunikatë ku ka thënë se nuk do të shmangen nga asnjë takim që mund të çojë në zhbllokim të situatës, por preferenca e tyre është një qeveri e formuar nga partitë që derivonë ishin në opozitë.
Por, takimi thotë se duhet të thirret nga Presidentja,, duke shtuar se një tryezë gjithëpërfshirëse, mund të jetë hapi i duhur për gjetjen e rrugëdaljes nga kriza institucionale.
“PDK angazhohet dhe është e bindur se zgjidhja më e mirë për vendin është formimi i një qeverie të re, e përbërë nga partitë që në mandatin e kaluar kanë qenë në opozitë. Një qeveri që do të ndalte degradimin institucional, do ta nxirrte Kosovën nga izolimi ndërkombëtar dhe do të zbatonte politika zhvillimore për të gjithë qytetarët, pa dallim. Me një listë të dakorduar të prioriteteve shtetërore, të cilat do ta rikthenin Kosovën në rrugën e duhur të zhvillimit dhe të integrimit euroatlantik”, thuhet në komunikatë.
Kreu i AAK’së, Ramush Haradinaj, e ka pranuar ftesën e Abdixhikut për takim ditën kur ai e bëri publik propozimin. Edhe ai, tha se angazhohet për “qeveri të opozitës”.
Mirëpo, ka deklaruar se ai nuk do të pranonte të marrte pjesë në një takim konsultativ për qeveri tranzicionale nëse në tavolinë është edhe Lëvizja Vetëvendosje.
“Ftesa për konsultë nuk ka gjë të keqe. Nuk ndryshon qëndrimi sa i përket qeverisë së opozitës, por po ashtu nuk na pengon ftesa e LDK-së për konsulta”, deklaroi Haradinaj.
Ai tha se do të pranonte takime bilaterale me LDK-në apo trilaterale me LDK-në dhe PDK-në.
Nga VV propozimi është cilësuar “jo serioz”.
Deputeti i VV’së, Hekuran Murati, tha se LDK-ja me propozimin e saj për qeveri të tranzicionit po sillet si në kohën e UNMIK-ut.
Sipas tij, opozita ka mbetur pa një zgjidhje tjetër dhe propozimin për një qeveri transicionale e ka nxjerr si kartën e fundit./Reporteri.net
Deputetja e LVV-së, Donika Gërvalla, e ka ftuar AAK-në që të çojnë në Gjykatë Kushtetuese përpjekjen e LVV-së për të ndryshuar metodën e votimit për kryetar të Kuvendit, nëse ka argumente të mjaftueshme.
Mirëpo, vetë thotë se e sheh si propagandë për të arsyetua bllokadën.
“E ftoj AAK-në nëse kanë argumente të mjaftueshme, në vend të deklarimeve politike, ta dërgojnë në Gjykatë Kushtetuese, se është bërë bajat që vazhdimisht të flitet për Gjykatën Kushtetuese… Ai që mendon që ka shkelje, nuk duhet ta mbajë peng publikun por duhet ta dorëzojë në Kushtetuese sepse vetëm do të mund të sqarohet se a ka shkelje apo jo. Ne mendojmë që kjo është vetëm një propagandë për të arsyetuar bllokadën, por nëse AAK apo kushdoqoftë që mendon se ka shkelje të Kushtetutës duhet të nxitojnë dhe jo ta mbajnë pezull të gjithë këtë proces”, ka thënë Gërvalla.
Deputetja e AAK-së, Time Kadrijaj, deklaroi më herët se i kanë siguruar 10 nënshkrime për të dërguar në Gjykatë Kushtetuese “ngërçin” në Kuvendin e Kosovës.
Ajo tha se pos pesë nënshkrimeve të AAK-së, nënshkrime dhanë edhe ata të LDK-së meqë minimalisht duhet të jenë 10 për t’iu drejtuar Kushtetueses.
“I kemi siguruar nënshkrimet për të hënën për këtë shkelje kushtetuese kalimi nga votimi i hapur në votim të fshehtë në mes të votimeve konsiderojmë që është shkelje ligjore dhe do t’i adresohemi Kushtetueses. I kemi nënshkrimet edhe të LDK-së meqenëse sot është e premte, do të mblidhemi edhe të dielën në seancë për nënshkrime të tjera, qoftë edhe të komuniteteve dhe të PDK-së dhe do të procedojmë”, ka deklaruar Kadriaj./Reporteri.net
Deputetja e AAK-së, Time Kadrijaj, tha se i kanë siguruar 10 nënshkrime për të dërguar në Gjykatë Kushtetuese “ngërçin” në Kuvendin e Kosovës.
Ajo tha se pos pesë nënshkrimeve të AAK-së, nënshkrime dhanë edhe ata të LDK-së meqë minimalisht duhet të jenë 10 për t’iu drejtuar Kushtetueses.
“I kemi siguruar nënshkrimet për të hënën për këtë shkelje kushtetuese kalimi nga votimi i hapur në votim të fshehtë në mes të votimeve konsiderojmë që është shkelje ligjore dhe do t’i adresohemi Kushtetueses. I kemi nënshkrimet edhe të LDK-së meqenëse sot është e premte, do të mblidhemi edhe të dielën në seancë për nënshkrime të tjera, qoftë edhe të komuniteteve dhe të PDK-së dhe do të procedojmë”, ka deklaruar Kadriaj.
Kërkesa tha se do të dërgohet të hënën.
“E kemi rendin e ditës, i kemi marrë të gjitha transkriptat e seancave plenare. Është e përpiluar kërkesa dhe do të hartohen nga ekspertë të Kushtetutës dhe do të dërgohet në Kushtetuese të hënën”.
Kryetari i PDK’së, Memli Krasniqi, ka fajësuar sërish Lëvizjen Vetëvendosje se po bllokon konstitutimin e Kuvendit.
Krasniqi tha se zgjidhja është e qartë për të dalë nga ngërçi, ashtu që VV ta ndërrojë kandidaten për Kryetare Kuvendi, shkruan Reporteri.net.
“Znj.Haxhiu tashmë po shihet se as nuk i ka e as nuk do t’i ketë votat për Kryetare Kuvend. Rrugëdalja është e qartë që duhet të ndërrohet kandidatja”, deklaroi Krasniqi.
I pyetur nëse do t’i japin nënshkrimet për iniciativën e AAK’së që lënda të dërgohet në Kushtetuese, Krasniqi tha se do të konsultohet brenda partisë.
“Nuk e kam pa ende lëndën, sapo u njoftova. Mendimin e ekspertëve të PDK’së e pastaj do të komunikoj me kolegë nga AAK”, shtoi ai./Reporteri.net
Kryesuesi i Seancës së Kuvendit, Avni Dehari, përsëri ka kërkuar nga partitë që të propozojnë nga një anëtarë për Komision rreth ndryshimit të procesit të votimit për zgjedhjen e kryetarit të Kuvendit.
Pasi askush nga PDK s’u paraqit në foltore, shefja e GP të LDK-së, Hykmete Bajrami, doli dhe tha se Dehari mund t’i ftojë edhe 48 herë të tjera, por që gjërat s’mund të ndryshojnë.
Dehari më pas ka ndërhyrë duke thënë se s’ka të drejtë të flasë dhe se duhet t’i ndalet mikrofoni deputetes Hykmete Bajrami.
“Dola këtu për të thënë që mundesh me na thirrë edhe 48 herë cdo 48 orë..”, ka thënë Bajrami.
Konstituimi i Kuvendit dështoi sot për herën e 13-të.
Kryetari i AAK-së, Ramush Haradinaj, tha se do t’i drejtohen Gjykatës Kushtetuese për vlerësim të vendimeve të Kuvendit të Kosovës dhe situatës që është krijuar.
Për këtë duhet të jenë së paku 10 deputetë dhe Haradinaj tha se për këtë po konsultohet me dy partitë tjera, PDK dhe LDK.
“Ne veçse e kemi përgatitur një kërkesë për vlerësim. Do t’i drejtohemi Gjykatës Kushtetuese me kërkesë për vlerësim të kushtetutshmërisë të vendimeve që janë marrë në Kuvend. Si rasti i mosformimit të Komisionit për votimin e fshehtë dhe të gjitha vendimet paraprake bazuar në procesverbalin e seancave. Sot jemi në konsulta edhe me PDK-në dhe LDK-në në mënyrë që 10 deputetë t’i drejtohemi Gjykatës. Të gjitha vendimet e Kuvendit veç e veç si për mënyrën e votimit, për ndërprerjen, si për situatën e mosnxjerrjes në votim të kandidatit, ardhja në seancë e të gjitha këto”.
Ndërkaq, për një takim të mundshëm të ftuar nga presidentja Vjosa Osmani, Haradinaj, i cili para disa ditësh ka deklaruar se nuk ulet në një tavolinë të njëjtë me Vetëvendosjen, tha se do ta shohin se në çfarë formati do të thirret takimi.
Lëvizja Vetëvendosje ka dështuar edhe në seancën e sotme që të ndryshojë formën e votimit për zgjedhjen e Kryetarit të Kuvendit në të fshehtë, shkruan Reporteri.net.
Partitë sërish janë deklaruar kundër dhe nuk kanë propozuar anëtarë për Komision. Në sallë ishin 113 deputetë.
“56 vota për, një deputet ka votuar kundër dhe asnjë abstenim”, deklaroi Dehari.
Pas dështimit të votimit të Komisionit, Kryesuesi Avni Dehari e ka ndërprerë seancën.
Kandidatja e VV’së për Kryetare Kuvendi vazhdon të mbetet Albulena Haxhiu.
PDK dhe AAK i kanë kërkuar vazhdimisht VV’së që ta ndërrojë emrin, teksa janë përmendur edhe emra nga kjo parti që do të mund t’i votonin. LDK ndërkohë ka thënë se nuk do ta votojë asnjë propozim të kësaj partie.
Përpjekja tjetër për konstituim vazhdon të dielën, në 10:00./Reporteri.net
Lëvizja Vetëvendosje po vazhdon me përpjekjet për ta ndryshuar mënyrën e votimit për Kryetar Kuvendi në formë të fshehtë, shkruan Reporteri.net.
Këtë propozim VV është duke e bërë qe pesë seanca radhazi. Partitë tjera kanë dale vazhdimisht kundër, duke mos propozuar anëtarë Komisioni, duke e lënë secilën herë në gjysmë këtë përpjekje.
Kandidatja e VV’së për Kryetare Kuvendi vazhdon të mbetet Albulena Haxhiu.
PDK dhe AAK i kanë kërkuar vazhdimisht VV’së që ta ndërrojë emrin, teksa janë përmendur edhe emra nga kjo parti që do të mund t’i votonin. LDK ndërkohë ka thënë se nuk do ta votojë asnjë propozim të kësaj partie./Reporteri.net
Deputetja e Lidhjes Demokratike të Kosovës, Hykmete Bajrami, është parë me një dokument në dorë para fillimit të seancës.
E njëjta më pas me atë dokument është afruar tek grupi i deputetëve të PDK’së, ku po qëndronin Memli Krasniqi, Abelard Tahiri, Vlora Çitaku dhe deputetja e AAK’së, Time Kadriaj. Dokumentin më pas e ka marrë Tahiri, shkruan Reporteri.net.
Ata janë parë duke biseduar mes vete për disa minuta. Pastaj Bajrami është larguar prej aty, e dokumenti mbeti tek Tahiri.
Para se të shkonte tek deputetët e PDK’së, Bajrami i është afruar deputetit të LDK’së, Krenar Xhaferit, i cili duket sikur e nënshkruan dokumentin.
Ndryshe, Kuvendi i Kosovës sot vazhdon tentativën e 13-të për konstituimin e legjislaturës së re të dalë nga zgjedhjet e 9 shkurtit. Bllokada në Kuvend është krijuar tek çështja e zgjedhjes së kryeparlamentarit. /Reporteri.net/.
Lëvizja Vetëvendosje do të vazhdojë edhe në seancën e sotme përpjekjen për ta ndryshuar formën e votimit për zgjedhjen e Kryetarit të Kuvendit, në votim të fshehtë, shkruan Reporteri.net.
Deputeti i VV’së, Faton Peci, tha se edhe sot do të vazhdojnë me tentativë për themelimin e Komisionit.
“Ne çdo ditë vijmë me vullnet pozitiv, me shpresë që edhe partitë tjera opozitare do të reflektojnë për nevojën dhe domosdoshmërinë që Kosova të ketë institucione, në radhë të parë duke e konstituar Kuvendin. Rrjedhimisht i bie që ne do të vazhdojmë të bëjmë përpjekje që ta themelojmë Komisionin që të verifikojë votat për kandidaten tonë për kryetare kuvendi”, tha Peci, para vazhdimit të seancës.
Kandidatja e VV’së vazhdon të mbetet Albulena Haxhiu.
Sipas Pecit, problemi nuk është emri i saj, pse ka ngërç në këtë proces.
“Gjithë kjo zhurma ose tentativa me identifiku Albulena Haxhiun si problemi, s’është problemi. Secili prej kandidatëve që potencialisht do të ishte në propozim, rrjedha e procesit do të ishte e njëjtë”, deklaroi Peci.
Seanca vazhdon në orën 10:00./Reporteri.net
Ish-kryetari i Gjykatës Kushtetuese, Enver Hasani, ka propozuar heqjen e pragut zgjedhor prej 5 për qind për partitë parlamentare, ose uljen e tij në 1 apo 2 për qind, si zgjidhje për të shmangur ngërçet politike në konstituim të institucioneve, shkruan Reporteri.net.
Konstitutimi i Kuvendit ka dështuar tash e 12 seanca, teksa një përpjekje e re do të bëhet sot. Sipas Hasanit, kjo situatë s’do të përsëritej po që se s’do të kishte prag zgjedhor.
“Për të mos ndodhur ngërçi duhet hequr pragu. Të bëhet loja me më shumë aktorë. Kjo nuk e komplikon më tutje. Vijnë forca e individë të rinj. Jepet mundësi dhe Kuvendi bëhet më garues më divers. Ngërçi jam i bindur se i takon historisë sepse s’ka kush t’i mbajë… t’i abuzojë”, ka thënë ai në Koha.net.
Hasani ka vlerësuar se përpjekja e Lëvizjes Vetëvendosje që tash të kalohet pas disa votimeve të hapura në votim të fshehtë për emrin e kryeparlamentarit, është kundërkushtetuese. Sipas Hasanit, kjo përpjekje është “uzurpim i funksionit të kryetarit të Kuvendit”.
“Është skenar që u caktua më 8 prill nga kryesia e vjetër me kryetarin dhe forcat politike të kësaj legjislature. Dhe ai nuk mund të ndryshojë fare. Atëherë ka mundur të merreshin vesh për atë mënyrë. Por asnjë send nuk mund të ndryshojë nga ajo që është caktuar aty”, ka shtuar ai.
Hasani ka thënë se për t’i dhënë zgjidhje situatës aktuale duhet të bëhen 10 deputetë për të çuar kërkesë në Gjykatën Kushtetuese. Ai ka thënë se “Kushtetuesja duhet t’i japë rrugë se atë punë e ka”.
Paralajmërimin që presidentja Vjosa Osmani t’i takojë liderët e partive politike, Hasani e ka vlerësuar jo shumë me peshë. Ai ka thënë se presidentja nuk ka mandat për formim të organeve.
Ndryshe, deputetët do të mblidhen sërish sot në një përpjekje të re për konstituimin e Kuvendit të Kosovës. Procesi ka ngecur tek zgjedhja e Kryetarit të Kuvendit. Lëvizja Vetëvendosje, si parti fituese, po insiston në zgjedhjen e Albulena Haxhit, edhe atë më votim të fshehtë. Partitë tjera po e kundërshtojnë këtë. Disa herë ia kanë bërë të qartë VV’së se emri i Haxhiut s’do të kalojë asnjëherë. Më së shumti vota që ka marrë në votime kanë qenë 57. Për t’u zgjedhur i duhen 61./Reporteri.net
Pas 12 seancash të dështuara, deputetët do të mblidhen sërish sot në një përpjekje të re për konstituimin e Kuvendit të Kosovës. Procesi ka ngecur tek zgjedhja e Kryetarit të Kuvendit. Lëvizja Vetëvendosje, si parti fituese, po insiston në zgjedhjen e Albulena Haxhit, edhe atë më votim të fshehtë. Partitë tjera po e kundërshtojnë këtë. Disa herë ia kanë bërë të qartë VV’së se emri i Haxhiut s’do të kalojë asnjëherë. Më së shumti vota që ka marrë në votime kanë qenë 57. Për t’u zgjedhur i duhen 61, shkruan Reporteri.net.
Kuvendi i Kosovës do ta vazhdojë seancën konstitutive, të nisur nga 15 prilli, sot me fillim nga ora 10:00.
Edhe sot, skenari pritet të jetë i njëjtë. Lëvizja Vetëvendosje sërish do të provojë të ndryshojë mënyrën e votimit për zgjedhjen e Kryetarit të Kuvendit me votim të fshehtë, propozim i kundërshtuar tash e katër herë nga partitë tjera.
Partitë që deri vonë ishin në opozitë, kanë refuzuar të propozojnë anëtarë të Komisionit, duke e lënë këtë përpjekje në gjysmë, meqënse VV’së i mungojnë votat. Në seancën e fundit nuk morën pjesë fare në votim për këtë Komision.
Pas dështimit të votimit të Komisionit, Kryesuesi Avni Dehari e ka ndërprerë seancën.
E propozuara e kësaj partie për këtë pozitë vazhdon të mbetet Albulena Haxhiu. PDK dhe AAK i kanë kërkuar vazhdimisht VV’së që ta ndërrojë emrin, teksa janë përmendur edhe emra nga kjo parti që do të mund t’i votonin. LDK ndërkohë ka thënë se nuk do ta votojë asnjë propozim të kësaj partie.
Pas dështimit të seancës të së mërkurës, Haxhiu tha se nuk e kupton pozicionin e partive që s’morën pjesë në votimin për Komision që të ndryshohet forma e votimit në të fshehtë, duke thënë se kjo formë e votimit shfrytëzohet edhe për zgjedhjen e Presidentit.
“I paqartë pozicioni i tyre që fare nuk marrin pjesë në votim për Komisionin në mënyrë që të vazhdojmë edhe votimin e fshehtë. Është votim shumë demokratik për shumë institucione në Republikën e Kosovës, përfshirë këtu edhe presidentin si me thanë shfrytëzohet ose parashihet votimi i fshehtë, prandaj nuk e kuptoj këtë pozicion”, ka thënë Haxhiu.
Për të dalë nga ngërçi i krijuar, Kryetari i LDK’së, Lumir Abdixhiku, ka dalë me propozim për krijimin e një qeverie të tranzicionit, deri në zgjedhjen e Presidentit.
Pro një takimi janë shprehur PDK dhe AAK, por që të dy këto parti kanë thënë se preferojnë më shumë një “qeveri të opozitës”.
Pas mbledhjes së Kryesisë të mërkurën, PDK ka lëshuar komunikatë ku ka thënë se nuk do të shmangen nga asnjë takim që mund të çojë në zhbllokim të situatës, por preferenca e tyre është një qeveri e formuar nga partitë që derivonë ishin në opozitë.
Por, takimi thotë se duhet të thirret nga Presidentja,, duke shtuar se një tryezë gjithëpërfshirëse, mund të jetë hapi i duhur për gjetjen e rrugëdaljes nga kriza institucionale.
“PDK angazhohet dhe është e bindur se zgjidhja më e mirë për vendin është formimi i një qeverie të re, e përbërë nga partitë që në mandatin e kaluar kanë qenë në opozitë. Një qeveri që do të ndalte degradimin institucional, do ta nxirrte Kosovën nga izolimi ndërkombëtar dhe do të zbatonte politika zhvillimore për të gjithë qytetarët, pa dallim. Me një listë të dakorduar të prioriteteve shtetërore, të cilat do ta rikthenin Kosovën në rrugën e duhur të zhvillimit dhe të integrimit euroatlantik”, thuhet në komunikatë.
Kreu i AAK’së, Ramush Haradinaj, e ka pranuar ftesën e Abdixhikut për takim ditën kur ai e bëri publik propozimin. Edhe ai, tha se angazhohet për “qeveri të opozitës”.
Mirëpo, ka deklaruar se ai nuk do të pranonte të marrte pjesë në një takim konsultativ për qeveri tranzicionale nëse në tavolinë është edhe Lëvizja Vetëvendosje.
“Ftesa për konsultë nuk ka gjë të keqe. Nuk ndryshon qëndrimi sa i përket qeverisë së opozitës, por po ashtu nuk na pengon ftesa e LDK-së për konsulta”, deklaroi Haradinaj.
Ai tha se do të pranonte takime bilaterale me LDK-në apo trilaterale me LDK-në dhe PDK-në.
Nga VV propozimi është cilësuar “jo serioz”.
Deputeti i VV’së, Hekuran Murati, tha se LDK-ja me propozimin e saj për qeveri të tranzicionit po sillet si në kohën e UNMIK-ut.
Sipas tij, opozita ka mbetur pa një zgjidhje tjetër dhe propozimin për një qeveri transicionale e ka nxjerr si kartën e fundit.
“Refuzojnë ftesat për bashkëpunim, refuzojnë zgjidhjen me votim të fshehtë, e akuzojnë Vetëvendosjen për bllokim. Kjo nuk mund të quhet asgjë tjetër, pos hipokrizi. Deri tani as nuk është vënë në testim votimi i fshehtë. Tani kur ka filluar që pagat të rrjedhin nuk po u bëhet dert. Përgjigjja u dha një ditë me herët nga një zëdhënës, një ditë me pas u zyrtarizua nga kryesia, vendimmarrja në këtë rast është zhvendosur nga kryesia e organet në një vend tjetër. Përgjigjja e tillë neve na befasoi. Tani e kanë nxjerr edhe kartën e fundit si në kohën e UNMIK-ut. Kjo nuk është serioze”, tha Murati.
Edhe përfaqësues të komuniteve jo-shumicë, që janë pjesë e kabinetit qeveritar në detyrë, kanë dalë kundër këtij propozimi, duke pretenduar se janë lënë jashtë, pavarësisht se përmenden në letër si pjesë e kësaj qeverie.
Elbert Krasniqi, nga Iniciativa e Re Demokratike e Kosovës (IRDK), e kritikoi ftesën e kryetarit te Lidhjes Demokratike të Kosovës (LDK), Lumir Abdixhiku, që partitë politike shqiptare të bëhen bashkë për një qeveri tranzicionale.
“Kjo qasje përjashtuese nuk është në frymën e Republikës së Kosovës, në frymën multietnike të Republikës së Kosovës”, tha Krasniqi, përkrah Emilija Rexhepit, nga Partia e Re Demokratike, dhe Nenad Rashiqit, nga Partia për Liri, Drejtësi dhe Mbijetesë./Reporteri.net
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
