Presidentja Vjosa Osmani ka bërë një reagim në llogarinë e saj në Facebook, pasi u nderua me Çmimin e Evropës nga Fondacioni Pan-Evropian “Coudenhove-Kalergi”.

Osmani ka theksuar se ky çmim dy dekada më parë i ishte ndarë Presidentit Historik, Ibrahim Rugova. Ajo ka thënë se ky çmim, është një nderim për Kosovën, shkruan Reporteri.net.

“Sot, në zemër të Evropës, në Vjenë, pranova me respekt Çmimin e Evropës nga Fondacioni Pan-Evropian “Coudenhove-Kalergi”, në një ceremoni të veçantë organizuar nga PanEuropa. Dy dekada më parë, i njëjti çmim iu nda Presidentit historik të Kosovës, Dr. Ibrahim Rugova. Ky është një nderim për Repubikën e Kosovës dhe një dëshmi se rruga jonë evropiane, e ndërtuar mbi vizionin e Presidentit Rugova për paqe, demokraci dhe partneritet transatlantik, vazhdon me vendosmëri. Për Kosovën që beson, që qëndron dhe që ecën përpara!”, ka shkruar Osmani.

Siç u theksua nga Fondacioni paneuropian me rastin e vendimit, ky çmim i ndahet Presidentes Osmani për “përkushtimin e saj të palëkundur ndaj raporteve me partnerët euroatlantikë, orientimin pro-evropian, forcimin e demokracisë dhe sundimin e ligjit në Kosovë”.