Një gjykatë në Paris e shpalli aktorin francez Gérard Depardieu fajtor për sulm seksual ndaj dy grave të ndryshme në një shesh xhirimi në vitin 2021, në një nga rastet më të rëndësishme të lëvizjes #MeToo që ka dalë para gjykatave në Francë, raporton CNN.

Depardieu, një figurë e shquar në kinemanë franceze, mohoi vazhdimisht çdo fajësi gjatë gjyqit dhe avokati i tij kërkoi që akuzat të rrëzoheshin. Megjithatë, gjykatësi Thierry Donard e gjeti shpjegimin e Depardieu për incidentin jo bindës.

Zyra e Prokurorit të Shtetit i kërkoi gjykatës t’i jepte 76-vjeçarit Depardieu një dënim me burgim me kusht prej 18 muajsh dhe një gjobë prej 20,000 eurosh.