Politico.eu i ka dedikuar në artikull pritjes së kryeministrit shqiptar Edi Rama në samitin e Komunitet Politik të Evropës, duke e etiketuar si “të çuditshëm”.

Ideja e kthimit të liderëve europianë në bebe me anë të Inteligjencës Artificiale është një ndër gjërat e çuditshme, shkruan Politico.eu duke theksuar se Giorgia Meloni “u shkri së qeshuri” dhe kryeministrja daneze Mette Frederiksen po shikonte me shumë entuziaëm ekranin.

Rama “kthen në bebe” liderët e Europës, videoja e veçantë që u transmetua para Samitit të Komunitetit Politik të BE

Lexo edhe:

Turistët e huaj ‘pushtojnë’ Durrësin: Klima e mirë, populli shqiptar shumë miqësor

Tragjike në Roskovec, muri zë poshtë vajzën 4-vjeçare

Mbeti pa mandat nga zgjedhjet e 11 majit, reagon për herë të parë Ilir Meta

“Disave nuk u bëri përshtypje, p.sh presidenti turk Erdogan qëndroi i ngurtë gjatë të gjithë kohës që shfaqej video dhe qeshi lehtë kur version i tij foshnje, me mustaqe doli në ekran”, thotë artikulli.

Më pas, gjatë një fjalimi, Meloni e falenderoi Ramën duke thënë “më bëri të ndjehem e re përsëri”.

Videoja mund të ketë qenë fare mirë ideja e Ramës, i cili ka krijuar një reputacion si një figurë e çuditshme. Më parë ka qenë piktor me banim në Francë dhe njihet për karakterin e tij karizamtik.

Më herët gjatë ditës, Rama – i cili u rizgjodh në qeveri këtë javë – mirëpriti liderët vizitorë me atlete dhe ra në gjunjë i ngazëllyer kur mbërriti Meloni.

Megjithatë, temat në tryezën e Tiranës nuk janë aspak argëtuese. Udhëheqësit europianë, shumica e të cilëve mbështetës të Ukrainës, shpresojnë të rrisin presionin ndaj presidentit rus Vladimir Putin me sanksione të reja ndërsa bisedimet mes Kievit dhe Moskës fillojnë në Stamboll.