Manchester United dhe Arsenali i kanë ndarë pikët në “Old Trafford” sonte duke barazuar me rezultat të barabartë 1-1.

Të dy ekipet shënuan nga një gol, në pjesën e parë United kurse në të dytën Arsenali.

Në minutën e fundit të pjesës së parë, Scott McTominay shënon një gol të bukur dhe dërgoi Unitedin në epërsi.

Në pjesën e dytë Arsenali filloi më mirë por goli nuk erdhi deri në minutën e 57-të.

Në fakt fillimisht goli u anulua për shkak se u mendua që Aubameyang ishte në pozitë jashtëloje por ishte VAR ai që vërtetoi që sulmuesi i Arsenalit nuk ishte në një pozitë të këtillë.

Pas xhiros së shtatë, Arsenali vazhdon të jetë në vendin e katër me 12 pikë kurse Manchester United në vendin e 10 me nëntë pikë.

Në vikend Arsenali e pret Bournemouth në Emirates Stadium kurse Manchester United luan si mysafirë i Newcastle United. /Reporteri.net/.