Unai Emery mbrojti kapitenin e Arsenalit Granit Xhaka, duke vlerësuar angazhimin e tij ndaj Manchester United në barazimin e së hënës në Premierligë.

Xhaka, të cilin Emery e ka konfirmuar si kapiten të klubit, u kritikua ashpër në rrjetet sociale pas golit të epërsisë së United në ‘Old Trafford’, ku Arsenali në fund arriti të merrte një barazim 1-1.

Mesfushori i Zvicrës dukej se nuk mund të devijonte goditjen e Scott McTominay, megjithëse disa përsëritje treguan se topi mori një devijim të vogël për ta larguar atë nga koka e tij, përcjell lajmi.net.

“Ai punoi me një angazhim të madh”, tha Emery në një konferencë shtypi pasi Arsenali mbetet ende në top-katërsh.

“Ai u tërhoq, ndoshta tërheqja e parë këtë sezon. Unë nuk e pashë atë veprim”.

“Unë pashë kur ai po vraponte mbrapa dhe me të vërtetë ai bëri përsosmëri me atë vrapim”, deklaroi ai.