Ish-deputeti i Kuvendit të Kosovës, Gramos Agusholli ishte tranzit drejt Sllovenisë kur u ndalua nga autoritetet serbe në Merdare, shkruan Gazeta Online Reporteri.net.

Ministria e Punëve të Jashtme dhe Diasporës ka kërkuar lirimin e menjëhershëm të Agushollit nga Serbia.

Për këtë, MPJD ka njoftuar edhe shtetet diplomatike të QUINT-it si dhe Zyrën e BE-së në Beograd.

“MPJD dënon fuqishëm këtë veprim arbitrar të autoriteteve serbe dhe i bën thirrje Bashkësisë Ndërkombëtare të reagojë menjëherë, duke kërkuar lirimin e menjëhershëm të z. Gramos Agusholli dhe ndalimin e praktikave të tilla represive, të cilat bien ndesh me parimet themelore të të drejtës ndërkombëtare dhe me konventat ndërkombëtare për të drejtat e njeriut”, thuhet mes tjerash në reagimin e MPJD-së.

/Reporteri.net/