Real Madridi dëshiron ta sigurojë fitoren e parë në edicionin e ri të Ligës së Kampionëve sonte në “Santiago Bernabeu”, në ndeshjen kundër Club Brugge, që nis sonte në orën 18:55.

Ndeshja mes Real Madridit dhe Club Brugge është e vlefshme për xhiron e dytë të Grupit A të edicionit të ri të Ligës së Kampionëve. Në xhiron e parë, Real Madridi pësoi disfatë 3:0 kundër Paris Saint-Germainit, ndërsa Brugge mori barazim pa gola kundër Galatasarayt.

Real Madridi vjen në këtë ndeshje me më shumë vetëbesim, për shkak të formës së mirë që e ka shfaqur në ndeshjet e fundit të La Ligës. Skuadra e Zidane është në pozitën e parë të La Ligës dhe së fundi mori barazim pa gola si mysafir kundër Atletico Madridit.

Problemet në repartin e mbrojtjes së fundi duket se janë përmirësuar, pasi që skuadra madrilene e ka mbajtur portën e paprekur në tri ndeshjet e fundit.

Në anën tjetër, Brugge nuk ka pësuar disfatë që 17 ndeshje, përfshirë këtu ndeshjet në kuadër të Ligës së Kampionëve, ligës vendore dhe turneut parasezonal. Ecuria e tyre u jep vetëbesim, mirëpo sfida që e kanë përpara vetes mund të rezultojë të jetë shumë e vështirë për ta.

Formacionet zyrtare të të dyja skuadrave:

Real Madrid:

? Here’s tonight’s starting XI to face @ClubBrugge! #RMUCL pic.twitter.com/2INsFlG05B

— Real Madrid C.F. ???? (@realmadriden) October 1, 2019

Club Brugge:

Here they are: Your starting XI for #RMCLU! ??⚫ #UCL pic.twitter.com/bboEHuW9lZ

— Club Brugge KV (@ClubBrugge) October 1, 2019