Futbollisti i Club Brugge, Emmanuel Bonaventure Dennis ishte protagonist i ndeshjes së mbrëmshme që skuadra e tij e zhvilloi ndaj Real Madridit.

‘Los Blancos’ nuk arritën më shumë se një barazim 2-2 pasi ishin në disavantazh prej dy golave në pjesë të parë, shkruan Reporteri.net

E Dennis që i shënoi dy gola klubit spanjoll dhe që festoi në stilin e Cristiano Ronaldos tregon arsyen e vërtetë prapa kësaj feste.

“Sepse më pëlqen Ronaldo. Ai është futbollisti im i preferuar në botë dhe unë jam i mërzitur që ai u largua nga Madridi. Kështu që unë festova në këtë mënyrë që t’iu tregoj atyre se është duke i munguar diçka”, është shprehur Dennis.

Ndryshe, Reali nuk po arrin ta gjejë veten që prej kohës kur Ronaldo u largua nga klubi në drejtim të Juventusit.

Futbollisti portugez ishte një garanci për çdo ndeshje dhe me të në fushë, Reali niste lojën 1-0 nga minuta e parë, pasi ai ka arritur të shënojë më shumë gola sesa ndeshje të zhvilluara./Reporteri.net/