Kombëtarja e Kosovës do të luajë një ndeshje miqësore me nënkampionin e botës, Kroacinë

Davo Shuker, presidenti i Federatës së Futbollit të Kroacisë ka qëndruar dje në Kosovë, ku gjatë gjithë kohës është shoqëruar nga Muharrem Sahiti, shkruan Reporteri.net

Gjatë këtij takimi është arritur edhe marrëveshja që të luhet një ndeshje miqësore ndërmjet Kosovës dhe Kroacisë.

Deklarata e plotë e FFK-së:

Gjatë qëndrimit të djeshëm në Kosovë, presidenti i Federatës së Futbollit të Kroacisë, Davor Shuker, gjatë tërë kohës është shoqëruar nga ish-futbollisti ynë i mirënjohur, tani ndihmëstrajner i Kombëtares A, Muharrem Sahiti.

Përveç se evokuan kujtimet e ligës dhe futbollit të atëhershëm, kur ata ishin yje në klubet e tyre, ata, biseduan edhe për punën dhe rezultatet e të dyja kombëtareve në vitet e fundit, teksa u dakorduan edhe për zhvillimin e një ndeshjeje miqësore ndërmjet Kosovës dhe Kroacisë në një kohë të përshtatshme për të dyja kombëtaret, për datën e të cilës do të vendosin në të ardhmen e afërt të dy presidentët e federatave./Reporteri.net/