Barcelona e ka mposhtur Interin 2-1 në Camp Nou, ndërsa Liverpooli fitoi 4-3 ndaj Salzburgut

Kryendeshja e mrëmbjes në Ligën e Kampionëve i ka takuar Barcelonës, e cila e përmbysi Interin në pjesën e dytë, shkruan Reporteri.net

Lautaro Martinez kaloi në epërsi Interin me një gol të realizuar në minutën e dytë, ndërsa Suarez me një gol tejet të bukur barazoi për 1-1 në minutën e 58-të.

Në minutën e 84-të ‘El Pistolero’ përsëri shfaqet në skenë për të shënuar golin e fitores për katalunasit.

Në anën tjetër në Anfield u zhvillua një ndeshje e çmendur mes Liverpoolit dhe Salzburgut, ku në fund triumfuan ‘Të Kuqtë’ me rezultat 4-3.

Golat për Liverpoolin u shënuan nga Mane, Robertson dhe dy tjera i realizoi Salah, ndërsa për mysafirët shënuan Hwang, Minamino dhe adoleshenti Haland.

Më poshtë i keni rezultatet komplete të mbrëmjes së sontme të Ligës së Kampionëve:

Barcelona-Inter 2-1
Liverpool-Salzburg 4-3
Lille-Chelsea 1-2
Leipzig-Lyon 0-2
Valencia-Ajax 0-2
Zenit-Benfica 3-0. /Reporteri.net/