Liverpool ka mposhtur Leicester Cityn me rezultat të ngushtë 2-1 në një dramë e cila përfundoi në mënyrën më të keqe të mundshme.

Derisa po zhvillohej minuta e 93-të e ndeshjes, Sadio Mane u rrëzua në zonë dhe nxori një penallti për skuadrën e Jurgen Klopp, shkruan Reporteri.net

Nga penalltia i pagabueshëm ishte James Milner i cili tregoi gjakftohtësi dhe shënoi për t’ia dhuruar klubit të tij fitoren e tetë në po aq ndeshje të zhvilluara.

Sidoqoftë, në fund të ndeshjes, Ayoze Perez shpërtheu nga nervosa ndaj futbollistëve të Liverpoolit me ç’rast u krijua një tollovi e vërtetë.

Për më shumë shikojeni videon e mëposhtme:

Pas kësaj fitoreje, Liverpooli tani grumbullon 24 pikë, 8 më shumë sesa rivali kryesor Manchester City të cilët zhvillojnë nesër ndeshjen e xhiros së tetë.

Ndryshe, ishte kjo fitorja e 17-të me radhë për ‘Të Kuqtë’ në Premierligë./Reporteri.net/