Kandidati për Kryeministër të Kosovës, nga Partia Demokratike e Kosovës, Kadri Veseli, bashkë me bashkëshorten e tij ka hedhur votën në shkollën “Faik Konica” në Prishtinë.

Veseli para gazetarëve ka thënë se pret proces të qetë dhe demokratik zgjedhor, shkruan Reporteri.net.

Veseli është lideri i parë nga kandidatët për kryeministër që sot ka hedhur votën.

Ai ka thënë se sot është një ditë e jashtëzakonshme për Kosovën.

“Sot është një ditë e mirë e jashtëzakonshme për Kosovën tonë të shenjtë. I uroj qytetarët, do t’i hapin perspektivën Kosovës, fëmijëve tanë, përhajr na qoftë të gjithëve”, ka thënë Veseli. /Reporteri.net