Trajneri i përfaqësueses së Kosovës, Bernard Challandes ka mbajtur sot një konferencë për media përpara ndeshjeve ndaj Gjibraltarit dhe Malit të Zi.

Zvicerani ka njoftuar për disponimin e futbollistëve dhe ka dhënë përditësime për gjendjen fizike të tyre, shkruan Reporteri.net

Sidoqoftë, në këtë konferencë, ai u pyet edhe rreth asaj se, meqenëse dje kanë qenë zgjedhjet dhe do të ketë qeveri të re, pasi Albin Kurti fitoi zgjedhjet a do ta ftojë ai në stadium në ndeshjet që zhvillon Kosova.

Bernard Challandes pastaj e ka kthyer këtë pyetje në humor duke thënë se patjetër, vetëm a ofron premia për fitore të ekipit.

“Ndoshta Federata mund ta ftojë Albin Kurtin, do te ishte i mirëseardhur, përfaqësuesja është pjesë e shtetit.

“Do të ishte mirë nëse na jep edhe premi për kualifikim (qeshet)”, ka thënë në shaka ai.

Ndryshe, Kosova zhvillon së pari një ndeshje miqësore me Gjibraltarin, pastaj pret Malin e Zi në një ndeshje tepër të rëndësishme për kualifikueset e Euro 2020./Reporteri.net/