Apple ka prezantuar edhe iPhone 17 Pro, shkruan Reporteri.net.
Paraprakisht u prezantuan iPhone 17 dhe iPhone Air, telefoni më i hollë i krijuar ndonjëherë.
iPhone 17 Pro i ri nga Apple vjen me një ndërtim të ri “unibody”, që e bën më të qëndrueshëm, me bateri më të madhe dhe memorie të shtuar. Apple gjithashtu ka krijuar një sistem të menaxhimit të nxehtësisë për të përballuar temperaturat e larta të çipit të ri, më të fuqishëm.
Këto veçori do ta bëjnë iPhone 17 Pro më të përshtatshëm për lojëra, përdorimin e mjeteve të inteligjencës artificiale dhe për redaktimin e fotove dhe videove, tha Greg Joswiak, Zëvendës President i Lartë për Marketingun Global të Apple.
iPhone 17 Pro do të vijë në tre ngjyra: argjend, blu e errët dhe portokalli e ndezur.
Ai është i pajisur me tre kamera të pasme prej 48 megapikselësh, me zoom të përmirësuar dhe aftësi më të mira në ndriçim të ulët, si dhe me një kamerë të përparme. Duke prezantuar veçoritë e reja të videos, Joswiak zbuloi se eventi i lançimit të së martës ishte xhiruar me një iPhone 17 Pro./Reporteri.net
