Kreu i Lëvizjes Vetëvendosje, Albin Kurti, përmes një statusi në Facebook ka bërë të ditur për aderimin e ri në LVV.

“Menjëherë pasi që ka votuar me 6 tetor, të dielen paradite, Shkurta Velija-Ajdini erdhi e u anëtarësua në VETËVENDOSJE”, ka shkruar Kurti.

Ai tutje ka shtuar se ndryshimi politik ka ndodhur, rritja e LVV vazhdon.

Postimi i plotë i Albin Kurtit:

Menjëherë pasi që ka votuar me 6 tetor, të dielen paradite, Shkurta Velija-Ajdini erdhi e u anëtarësua në VETËVENDOSJE!.

Ajo ka mbaruar studimet për magjistraturë në gjermanistikë në Universitetin e Vjenës, kurse tash është në përfundim të doktoratës në po atë universitet me temën “Konstruksioni gjinor në veprën e Stefan Zweig-ut”.

Shkurta Velija-Ajdini ka punuar afër një dekadë si mësimdhënëse në Universitetin e Prizrenit, ndërkaq tani punon në një institucion gjerman për punësim dhe trajnime profesionale, si shefe e departamentit të gjuhës gjermane.

Ndryshimi politik ka ndodhur, rritja e Lëvizjes sonë vazhdon, qeverisja jonë e mirë fillon së shpejti.