Se Ismet Munishi është trajneri më karizmatik, më fasionant dhe më argëtues i Superligës kjo nuk vihet në pikëpyetje më.

Ai me Ballkanin e tij, janë shndërruar në forcë të madhe këtë sezon të Superligës duke u radhitur në vendin e parë kur kanë kaluar nëntë xhiro, shkruan Reporteri.net

Pa dyshim që, çelësi i këtij suksesi të ekipit Suharekas nuk është vetëm puna dhe strategjia e trajnerit, por edhe harmonia që Munishi ka krijuar në ekip dhe tek tifozët.

Ai mund të quhet Ismet Kloppi i Kosovës, pasi pas çdo ndeshjeje, përqafon dhe përshëndet me rend futbollistët e tij, por jo vetëm, edhe tifozët që janë shndërruar në lojtarin e 12-të këtë sezon.

Kjo ishte festa e mrekullueshme e Ismet Kloppit me futbollistët dhe tifozët e Ballkanit pas ndeshjes së fundit që e fituan ndaj Prishtinës./Reporteri.net/