Trupat turke filluan të hyjnë në Siri të mërkurën në mëngjes në përgatitje të një sulmi në territorin kurd, transmeton Reporteri.net.

Një grup i vogël i forcave turke hyri në Siri në dy pika afër qyteteve siriane Tal Abyad dhe Ras al-Ayn në përgatitje të një sulmi më të gjerë,  tha një zyrtar turk për  Bloomberg.

Këto deklarata vijnë pasi tanket, kamionët dhe trupat turke u fotografuan në kufi gjatë natës.

Në anën tjetër komandantët e kurdëve paralajmëruan një “katastrofë njerëzore të afërt” nëse sulmet vazhdojnë.

“Ne i bëjmë thirrje komunitetit ndërkombëtar dhe të gjitha vendeve … të cilët triumfuan së bashku mbi të ashtuquajturin Kalifati i ISIS-it që të marrin përgjegjësi dhe për të shmangin një katastrofë të mundshme njerëzore të afërt”, tha SDF e udhëhequr nga kurdët. /Reporteri.net