Drejtori i të ashtuquajturës Zyrë për Kosovën në Qeverinë e Serbisë, ka thënë se pas asaj që ndodhi sot, ku futbollistët e Crvena Zvezdës nuk u lejuan të hyjnë në Kosovë, ekipi i Kosovës “duhet të fluturojë nga UEFA dhe FIFA”, ku sipas tij asnjëherë nuk e kishte vendin.

Gjuriq sipas mediave serbe ka thënë se kjo është dëshmi e mëtutjeshme e përpjekjeve të Prishtinës  që në mënyrë simbolike të largojë Serbinë jashtë Kosovës, megjithëse qëllimi i ndeshjes ishte promovimi i sportit, e jo ndonjë mesazh politik, transmeton Reporteri.net.

Kujtojmë se ndeshja e planifikuar të zhvillohet nesër në orën 15:00 mes klubit serb nga Kosova, Trepça, dhe Crvena Zvezdas në territorin e Kosovës është anuluar, pasi që Policia e Kosovës, e vendosur në Jarinjë, ka vendosur të mos i lejojë serbët të hyjnë në Kosovë./Reporteri.net/