Legjenda e Manchester United , Paul Scholes këmbëngul se Frank Lampard duhet të ndryshojë shumë gjëra tek skuadra e tij.

Ish-mesfushori i Man United, thotë se Chelsea po luajnë vërtetë mirë, por në fund po e pësojnë me humbje, e për këtë tekniku, Lampard duhet të bëjë diçka, shkruan Reporteri.net.

“Kjo do të jetë zhgënjyese për të, unë mendoj se ai ka cilësi në ekipin e tij, por Lampardit i mungon diçka.

“Atij përfundimisht i mungon diçka. Ata zhvilluan ndeshjen me Manchester United, të gjithë thanë se Chelsea ishte skuadra më e mirë, luajti vërtet mirë, u mposhtën 4-0.

“Luajti kundër Liverpoolit, luajti në rregull nuk mendoj se ata kishin ndonjë gjë të shkëlqyeshme kundër ‘The Reds’, përsëri u mundën.

“Luajtën kundër Manchester City-t , të gjithë thanë se Lampard ka ekipin më të mirë, ata ishin me të vërtetë të mirë, ata luajtën mirë, ata e kanë humbur ndeshjen. Tani ai duhet të gjejë një mënyrë për ta ndryshuar atë.

“Unë mendoj se mbrojtja e Chelseas është në rregull, por më duken pak nervoz në top, gjë që mund të krijojë nerva në të gjithë ekipin”, përfundoi Scholes.

/Reporteri.net/