Presidenti i UEFA-së, Aleksander Ceferin ka shprehur ngushëllimet e tij më të sinqerta për njerëzit që humbën jetën pas tërmetit të sotën në Shqipëri.

Presidenti i Federatës së Futbollit të Shqipëris, Armando Duka ka njoftuar se ka marrë ndihmë konkrete nga Ceferin dhe zyrtarë tjerë të futbollit ndërkombëtar.

“Miqtë e FSHF dhe Shqipërisë solidarizohen me ne, në këtë ditë të vështirë! Mora telefonata, mesazhe dhe propozime për ndihmë konkrete nga #Presidenti i UEFA-s, Aleksander Čeferin, Zv/Presidenti Sándor Csányi, Presidenti i Federatës Italiane Gabriele Gravina, etj. Mirënjohje!” shkruan Duka.