Tashmë janë regjistruar 18 viktima dhe qindra të lënduar nga tërmeti i frikshëm që goditi Shqipëri në orët e para të mëngjesit.

E gjithë bota po shkruan sot për tragjedinë që ndodhi në Shqipëri, po ashtu shumë klube dhe institucione të larta të sportit, kanë shprehur solidaritetin e tyre për familjarët e viktimave dhe të lënduarit nga tërmeti, shkruan Reporteri.net.

Në mesin e këtyre reagimeve për tragjedinë e sotme në Shqipëri, është edhe ai i ish-tekniku të Kombëtares “Kuq e Zi” , Gianni De Biasi .

“Me gjithë zemrën time shpreh afërsinë, dhimbjen për viktimat dhe për të gjithë popullsinë e goditur nga tërmeti në Shqipëri. Shpresoj shumë që të ktheheni në normalitet sa më shpejt që të jetë e mundur dhe të ketë ndihmë thelbësore për njerëzit që kanë humbur shtëpinë e tyre! Ngushëllime për ata që kanë humbur të dashurit në këtë përvojë të dhimbshme. Guxim dhe shumë forcë reagimi. Forca Shqipëria”, ka shruar De Biazi

/Reporteri.net/